कांग्रेसको इतर समूहको राष्ट्रिय भेलाको समितिमा नाम राखेकोमा माधवप्रसाद चम्लागाईंको गम्भीर आपत्ति

काठमाडौँ- नेपाली कांग्रेसको भ्रातृ संस्था राष्ट्रिय लोकतान्त्रिक अपांग संघका अध्यक्ष माधवप्रसाद चम्लागाईंले कांग्रेसको इतर समूहको राष्ट्रिय भेलाको सदस्यीय मूल आयोजक समितिमा नाम राखिदिएकोमा गम्भीर आपत्ति जनाएका छन् ।

बिहीबार जारी अपिलमा अध्यक्ष चम्लागाईंले उक्त भेलासँग आफ्नो कुनै संलग्नता नरहेको स्पष्ट पार्दै पार्टीको वैधानिक संरचनालाई कमजोर बनाउने तथा विभाजनकारी गतिविधिमा आफू सहभागी नहुने बताएका छन्। राष्ट्रिय लोकतान्त्रिक अपांग संघको अध्यक्षका रूपमा आफ्नो नाम राखिएको विषय स्वीकार गर्न नसकिने उनको भनाइ छ।