आज साना नदीमा पानीको बहाव बढ्ने चेतावनी, काठमाडौंसहित २७ जिल्लामा जोखिम

काठमाडौं- जल तथा मौसम विज्ञान विभागअन्तर्गतको बाढी पूर्वानुमान महाशाखाले आज काठमाडौं उपत्यकासहित देशका विभिन्न जिल्लाका साना नदीहरूमा आकस्मिक बाढीको जोखिम रहेको भन्दै सतर्कता अपनाउन आग्रह गरेको छ।

महाशाखाले जारी गरेको बाढी पूर्वानुमान बुलेटिनअनुसार काठमाडौं, भक्तपुर, ललितपुर र काभ्रेपलाञ्चोक भएर बग्ने साना नदीहरूमा आज जलसतह उल्लेख्य रूपमा बढ्ने अनुमान गरिएको छ। यी क्षेत्रमा आकस्मिक बाढीको उच्च जोखिम रहेकाले नदी तटीय क्षेत्र र डुबान हुन सक्ने स्थानमा विशेष सावधानी अपनाउन महाशाखाले आग्रह गरेको छ।