सामसङ 'ग्यालेक्सी जेड फोल्ड ७' खरिदमा २० हजार क्यासब्याक, एक्सचेन्ज बोनस र ईएमआईको सुविधा पनि

काठमाडौं । सामसङ नेपालले फोल्डेबल स्मार्टफोन 'ग्यालेक्सी जेड फोल्ड सेभेन' खरिद गर्ने ग्राहकका लागि आकर्षक अफर सार्वजनिक गरेको छ । कम्पनीले सीमित अवधिका लागि क्यासब्याक, एक्सचेन्ज बोनस र सहज किस्ता सुविधासहितको योजना ल्याएको हो ।

सोमबार (१८ साउन) देखि सुरु भएको यो अफरअन्तर्गत ग्राहकले २० हजार रुपैयाँसम्म क्यासब्याक प्राप्त गर्न सक्नेछन् । साथै, कुनै पनि ब्रान्डको पुरानो स्मार्टफोन साटेर ग्यालेक्सी जेड फोल्ड ७ खरिद गर्दा ८ हजार रुपैयाँसम्म एक्सचेन्ज बोनस पनि उपलब्ध हुनेछ ।