भुटानी शरणार्थी महिलालाई मर्गौला प्रत्यारोपण गर्न सर्वोच्चको परमादेश

काठमाडौं — सर्वोच्च अदालतले भुटानी शरणार्थी महिलालाई मिर्गौला प्रत्यारोपण सेवा उपलब्ध गराउन आश्विनी मेडिकल कलेज एण्ड हस्पिटल (मेडिसिटी अस्पताल) का नाममा परमादेश जारी गरेको छ। अदालतले जीवनको हकलाई प्राथमिकता दिँदै अस्पतालको प्रत्यारोपण गर्न नमिल्ने निर्णय बदर गरेको हो।

न्यायाधीश शारङ्गा सुवेदी र नृपध्वज निरौलाको संयुक्त इजलासले मानव शरीरको अङ्ग प्रत्यारोपण ऐन, २०५५ को शाब्दिक व्याख्याका आधारमा उपचारबाट वञ्चित गर्न नमिल्ने ठहर गर्दै आवश्यक कानुनी प्रक्रिया पूरा गरी प्रत्यारोपण सेवा उपलब्ध गराउन आदेश दिएको हो।