बङ्गलादेशको दादुरा प्रकोपका कारण विपन्नलाई थप ऋणको भार

काठमाडाैँ । बङ्गलादेशमा दशकौँमा सबैभन्दा घातक दादुरा प्रकोपले सयौँ बालबालिकाको ज्यान लिएको छ। यसले विपन्न परिवारहरूमा गम्भीर आर्थिक असर पारेको सहायता समूहहरूले सोमबार चेतावनी दिएका छन्।

स्वास्थ्य विभागको तथ्याङ्कअनुसार मार्च १५ देखि अगस्टको सुरूसम्म कम्तीमा दादुरा प्रभावित ८४४ बालबालिकाको मृत्यु भएको छ भने एक लाख १२ हजारभन्दा बढी मानिसले यस रोकथाम योग्य रोगका लागि अस्पतालमा उपचार गराएका छन्।