कप्तानगञ्ज घटनामा न्यायिक छानबिन समिति गठन गर्न सरकारसमक्ष प्रस्ताव गर्ने कांग्रेसको निर्णय

काठमाडौं । नेपाली कांग्रेसले सुनसरीको कप्तानगञ्ज घटनाको छानबिनका लागि न्यायिक छानबिन समिति गठन गर्न सरकारसमक्ष प्रस्ताव गर्ने निर्णय गरेको छ ।

सिंहदरबारमा सोमबार बसेको नेपाली कांग्रेस संसदीय दलको बैठकले उक्त निर्णय गरेको हो । बैठकपछि सञ्चारकर्मीसँग कुरा गर्दै कांग्रेसका महामन्त्री प्रदीप पौडेलले गृह मन्त्रालयले गठन गरेको समितिबाट निष्पक्ष र प्रभावकारी छानबिन हुन नसक्ने भन्दै न्यायिक छानबिन समिति गठन आवश्यक रहेको बताए ।