प्रचण्डलाई प्रश्न- तपाईं स्थिर कहिले हुनुहुन्छ ? जवाफ- मरेपछि..!

१८ साउन, काठमाडौं । नेकपाका संयोजक एवं पूर्वप्रधानमन्त्री पुष्पकमल दाहाल सोमबार २४ औं बोत्ले स्मृति दिवस कार्यक्रममा सहभागी हुन नयाँ बानेश्वरको थापागाउँ पुगेका थिए ।

सशस्त्र युद्धकालमा २०५९ साल साउन १८ गते दोलखाको बोत्लेमा १५ जना माओवादी कार्यकर्ता मारिएका थिए । त्यही दिनको सम्झनामा प्रत्येक वर्ष यो कार्यक्रम गर्ने गरिन्छ । त्यही कार्यक्रम सहभागी हुने कार्यक्रम स्थलमा पुग्दा उनी सञ्चारकर्मीको क्यामेरा र प्रश्नहरूले घेरिए । उनलाई एक सञ्चारकर्मीले ‘जहिले पनि कांग्रेस, एमालेतिर जानुहुन्छ तपाईं स्थिरता चाहिँ कहिले हुन्छ प्रचण्डजी ?’