गण्डकीमा औषधिजन्य र औद्योगिक प्रयोजनका गाँजाखेतीले पायो कानुनी मान्यता

गण्डकी प्रदेशमा औषधिजन्य तथा औद्योगिक प्रयोजनका लागि गरिने गाँजाखेतीले कानुनी मान्यता पाएको छ। प्रदेश प्रमुख डिल्लीराज भट्टले प्रदेशसभाबाट पुनःपारित ‘औषधिजन्य तथा औद्योगिक प्रयोजनका लागि गाँजाखेतीलाई नियमन तथा उपयोग गर्ने सम्बन्धमा बनेको विधेयक’ सोमबार प्रमाणीकरण गरेका हुन्।

उक्त विधेयक गत असार २५ गते गण्डकी प्रदेशसभाबाट पारित भएको थियो। तर प्रदेश प्रमुख भट्टले केही विषयमा पुनःविचार गर्नुपर्ने भन्दै साउन ८ गते सन्देशसहित विधेयक प्रदेशसभामा फिर्ता पठाएका थिए।