बेलायत, नेपाल तथा भूपूगोर्खाबीच त्रिपक्षीय वार्ता आज

समान पेन्सन र अधिकारको माग गर्दै आन्दोलनरत पूर्वगोर्खा सैनिकहरूका मुद्दामा छलफल गर्न आज (सोमबार) मन्त्रीस्तरीय वार्ता हुन लागेको छ।

गोर्खा आन्दोलनका अभियन्ता ज्ञानराज राईका अनुसार सोमबार दिउँसो बेलायती मन्त्री, परराष्ट्रमन्त्री शिशिर खनाल तथा भूपूगोर्खा प्रतिनिधिबीच भर्चुअल माध्यमबाट वार्ता हुन लागेको हो। उनका अनुसार सुरुमा त्रिपक्षीय ‘नेगोसिएसन’ गर्ने तयारी भए पनि यस पटक ब्रिटिश सेनाबाट सेवानिवृत्त भूपूगोर्खाहरूले उठाएका मुद्दामाथि केन्द्रित छलफल मात्र हुने भएको छ। बेलायत–नेपालबीचको यो नवौँ औपचारिक वार्ता हो।