सुरुङमार्ग र कर्णाली प्रदेशको अनुगमन प्रतिवेदनमाथि समितिमा छलफल हुँदै

काठमाडौँ । सङ्घीय संसद्अन्तर्गत आज दुई वटा संसदीय समितिको बैठक बस्दै छ। राष्ट्रिय सभाअन्तर्गतको सार्वजनिक नीति तथा प्रत्यायोजित विधायन समिति र सङ्घीयता सबलीकरण तथा राष्ट्रिय सरोकार समितिको बैठक बस्न लागेको हो। दुवै समितिको बैठक बिहान ११:०० बजेका लागि तय गरिएको छ।

बिहान ११:०० बजे बस्ने सार्वजनिक नीति तथा प्रत्यायोजित विधायन समितिको बैठकमा देशकै गौरवको आयोजनाका रूपमा रहेको नागढुङ्गा—सिस्नेखोला सुरुङ्गमार्गको वर्तमान अवस्था र प्रगतिबारे छलफल हुनेछ। बैठकमा सुरुङ्गमार्गको काम, चुनौती र आगामी कार्यदिशाबारे सम्बन्धित विभाग तथा आयोजनाका पदाधिकारीहरूलाई बोलाएर सघन छलफल गर्ने कार्यसूची रहेको छ।