धनगढी उपमहानगर ‘पेपरलेस’ बन्दै, अब अधिकांश सेवा घरबाटै अनलाइनमार्फत उपलब्ध

धनगढी । धनगढी उपमहानगरपालिकाले सेवा प्रवाहलाई डिजिटल बनाउँदै नागरिकले अधिकांश सेवा घरबाटै अनलाइनमार्फत प्राप्त गर्न सक्ने व्यवस्था सुरु गरेको छ । ‘पेपरलेस धनगढी’ अभियानअन्तर्गत एकीकृत डिजिटल प्रणालीको पहिलो चरण कार्यान्वयनमा ल्याइएको हो ।

सोमबार आयोजित पत्रकार सम्मेलनमा नगरप्रमुख गोपाल हमालले नयाँ प्रणाली सञ्चालनमा आएको जानकारी दिँदै सेवाग्राहीले सामान्य सेवाका लागि कार्यालय धाइरहनुपर्ने अवस्थाको अन्त्य हुने बताए । उनका अनुसार यस प्रणालीले सेवा प्रवाहलाई छिटो, सहज, पारदर्शी र प्रविधिमैत्री बनाउनेछ ।