'वाम सहकार्य' तर्फ नेतृत्व अग्रसर, अरू नेतामा आशङ्का र असन्तुष्टि किन?

दुई मुख्य कम्युनिस्ट पार्टीका ४ जना शीर्षस्थ नेता तथा पूर्वप्रधानमन्त्रीहरू लामो समयपछि आइतवार एउटै मञ्चमा सहभागी भएर वामपन्थी सहकार्यको खाँचोमा जोड दिएपछि नेकपा एमालेभित्र एक खालको तरङ्ग देखा परेको छ।

महासचिव शङ्कर पोख्रेलले सामाजिक सञ्जालमा मार्क्सको भनाइ प्रस्तुत गर्दै लेखेका छन्- समय र परिस्थिति बदलिसकेपछि विगतका घटना, नारा वा प्रवृत्तिलाई हुबहु दोहर्‍याउनु (पुनरावृत्ति गर्नु) उचित हुँदैन।