रेडक्रसमा दलका कार्यकर्तालाई पूर्ण निषेध

१५ असार, काठमाडौं । नेपाल रेडक्रस सोसाइटीले राजनीतिक दलका कार्यकर्तालाई पूर्ण निषेध गर्ने जनाएको छ । सोमबार एक अनुरोध पत्र सार्वजनिक गर्दै राजनीतिक दल वा त्यसको भातृसंगठनमा आबद्ध भएका व्यक्तिलाई रेडक्रसबाट अलग हुन भनेको हो ।

‘कुनै पनि तहका समितिका पदाधिकारी र सदस्यहरू कुनै राजनीतिक दलको (भ्रातृ संगठनसमेत)को विभिन्न निकायका दलहरूमा बहाल रहेको भए नेपाल रेडक्रसमा रहेको आफ्नो संलग्नताबाट अलत हुन अनुरोध गर्दछौं’ पत्रमा उल्लेख छ ।