फिलिपिन्समा शक्तिशाली भूकम्प: इन्डोनेसियामा सुनामीका लहर, जापानमा 'अलर्ट' जारी

दक्षिणी फिलिपिन्सको तटीय क्षेत्रलाई केन्द्रविन्दु बनाएर शक्तिशाली भूकम्प गएको छ। अमेरिकी भूगर्भ सर्वेक्षणका अनुसार फिलिपिन्सको दक्षिणी क्षेत्रमा ७.८ म्याग्निच्युडको तीव्र गतिको भूकम्प गएको हो।

भूकम्प स्थानीय समयअनुसार बिहान ७:३७ बजे महसुस गरिएको थियो । फिलिपिन्स इन्स्टिच्युट अफ भोल्कानोलोजी एन्ड सिस्मोलोजीका अनुसार भूकम्पको केन्द्रविन्दु मिन्डानाओ टापुमा अवस्थित जनरल स्यान्टोस सहरभन्दा १३ किलोमिटर दक्षिण-पश्चिममा जमिनको सतहबाट १० किलोमिटर गहिराइमा रहेको थियो ।