बागमतीमा वन संरक्षणपछि सदुपयोगको बहस

नेपालमा वन क्षेत्रको चर्चा हुँदा प्रायः डढेलो, काठ तस्करी, अतिक्रमण, रूख कटान, अनियमितता वा मानव–वन्यजन्तु द्वन्द्वका घटना समाचारमा आउँछन्। वनको संरक्षण, उपयोग, उत्पादन र स्थानीय अर्थतन्त्र बीचको सम्बन्ध बारे भने अपेक्षाकृत कम बहस हुन्छ।

बागमती प्रदेशको वन क्षेत्रमा पछिल्लो एक वर्षमा यही सम्बन्धलाई नयाँ ढङ्गले परिभाषित गर्ने प्रयास भयो। वनलाई संरक्षण गर्नुपर्ने प्राकृतिक स्रोतका रूपमा मात्र होइन, हरित रोजगारी, स्थानीय विकास, जलवायु अनुकूलन र आर्थिक गतिविधिको आधारका रूपमा हेर्ने नीतिगत पहल अघि सारिए।