कांग्रेस नेता ठेकेदार, प्यूठान–गुल्मीखण्ड अलपत्र

बुटवल : मदन भण्डारी राजमार्गको प्यूठान–गुल्मीखण्ड वर्षौंदेखि अलपत्र परेको छ। निर्माण थालेको ४ वर्ष हुनलाग्दा पनि कामले गति नलिएपछि गुल्मीको सिमलटारीदेखि प्यूठानको मच्छीसम्म जोड्ने ३१ दशमलव ८ किलोमिटर सडक अलपत्र परेको हो।

निर्माण सुरु हुँदा राष्ट्रिय राजमार्गले जोड्ने भएपछि हर्षित भएका दुवै जिल्लाका नागरिकहरू अहिले अलपत्र सडकको दुर्दशा देखेर निराश छन्। २०७९ कात्तिक ६ गतेदेखि निर्माण सुरु गरेर तीन वर्षभित्र योजना पूरा गर्ने सम्झौता भएको थियो।