रूपन्देहीको विद्युत सभ स्टेशनभित्र १५ वटा अजिंगर

रूपन्देहीको तिलोत्तमा योगिकुटीस्थित नेपाल विद्यतु प्राधिकरणको सभ स्टेशनभित्र १५ वटा अजिंगरका बच्चा भेटिएका छन् । सर्प उद्धारकर्ता नविन पौडेल एकै ठाउँमा यति धेरै अजिंगर भेटिएको सम्भवतः पहिलो पटक भएको बताए ।

‘सभ स्टेशनबाट अजिंगर देखियो भनेर उद्धार गर्न बोलाउनुभयो’ पौडेलले भने, ‘शुरूमा एउटा उद्धार गरेर फर्किएँ । लगतै फेरि अर्को पनि देखियो भन्ने खबर आयो । त्यहाँ पुगेर हेर्दा फेरि अर्को पनि थपियो । त्यहीँ ठाउँमा बाँकी १२ वटासहित १५ वटा अजिंगर उद्धार गरेँ ।’