भारतमा निर्वासनमा रहेकी शेख हसिनाको सम्बोधनबारे बंगलादेशले माग्यो भारतसँग स्पष्ट धारणा

ढाका । बंगलादेश सरकारले भारतमा निर्वासनमा रहेकी पूर्वप्रधानमन्त्री शेख हसिनाले नयाँ दिल्लीबाट गर्ने भनिएको भर्चुअल सम्बोधनबारे आफ्नो आधिकारिक धारणा स्पष्ट पार्न आग्रह गरेको छ । फरार अभियुक्तलाई भारतीय भूमिबाट राजनीतिक गतिविधि गर्न दिइए यसले दुई देशबीच सुधारोन्मुख सम्बन्धमा नकारात्मक असर पर्न सक्ने चेतावनी बंगलादेशले दिएको छ ।

विदेश मामिला राज्यमन्त्री शमा ओबैद इस्लामले सोमबार पत्रकारहरूसँग कुरा गर्दै बंगलादेश र भारतबीचको सम्बन्धलाई भविष्यतर्फ केन्द्रित गर्दै अघि बढाउन चाहेको बताइन् । उनले भारतले यस विषयमा आफ्नो स्पष्ट धारणा सार्वजनिक गर्नुपर्ने आवश्यकता रहेको उल्लेख गरिन् ।