कप्तानगञ्ज घटनाका घाइते रवीन्द्रको उपचारका क्रममा निधन

काठमाडौँ – सुनसरीको कप्तानगञ्जमा भएको घटनामा गम्भीर घाइते भएका थप एक जनाको उपचारका क्रममा मृत्यु भएको छ। वीरेन्द्र केएमका अनुसार रवीन्द्र मेहताको मंगलबार बिहान उपचारकोक्रममा मृत्यु भएको हो ।

काठमाडौँस्थित महाराजगञ्जमा रहेको शिक्षण अस्पताल (टिचिङ) मा उपचाररत रबिन्द्र मेहताको मृत्यु भएको हो। यसअघि सोही घटनामा घाइते भएका ओमप्रकाश मेहता र जयप्रकाश मेहताको मृत्यु भइसकेको थियो। रवीन्द्रको पनि निधन भएसँगै कप्तानगञ्ज घटनामा ज्यान गुमाउनेको संख्या तीन पुगेको छ।