राष्ट्र बैंकको सञ्चालक समिति सात सदस्यीय नै राख्न अर्थ मन्त्रालयको प्रस्ताव

काठमाडौं- अर्थ मन्त्रालयले नेपाल राष्ट्र बैंकको सञ्चालक समितिको आकार हाल कायम रहेको सात सदस्यीय नै राख्न उपयुक्त हुने प्रस्ताव गरेको छ।

संघीय संसदअन्तर्गतको अर्थ समितिको मंगलबार बसेको बैठकमा अर्थ सचिव डा. घनश्याम उपाध्यायले राष्ट्र बैंक ऐन संशोधनसम्बन्धी सांसदहरूले दर्ता गराएका संशोधन प्रस्तावमाथि मन्त्रालयको धारणा स्पष्ट पार्दै हालको सात सदस्यीय संरचना नै छरितो र प्रभावकारी हुने बताएका हुन्।