जंगलमा लुकाएर राखिएका तीन थान बन्दुक बरामद

विराटनगर : मोरङको मिक्लाजुङ गाउँपालिका–६, लालमारीस्थित मयुर सामुदायिक वनबाट प्रहरीले तीन थान भरुवा बन्दुकका साथै तिनमा प्रयोग हुने विभिन्न सामग्री बरामद गरेको छ ।

वन क्षेत्रमा चोरी-शिकार हुने गरेको विशेष सूचनाका आधारमा इलाका प्रहरी कार्यालय उर्लाबारीबाट खटिएको टोलीले आइतबार साँझ गस्ती गरेको थियो । सोही क्रममा जंगलको झाडीमा शंकास्पद अवस्थामा लुकाएर राखिएको एउटा बोरा फेला परेको प्रहरीले जनाएको छ ।