हिमनदी भत्किँदा कसरी घातक पहिरो र बाढी निम्तियो ? यस्तो छ विज्ञको भनाइ

काठमाण्डु – नेपाल र चीनको तिब्बतमा सयौँ मानिसको ज्यान जाने गरी भएको तीव्र हिम–चट्टान पहिरो र आकस्मिक बाढी हिमनदीको तल्लो भाग भत्किएर सयौँ मिटर तल उपत्यकाको फेदीमा खस्दा निम्तिएको देखिएको छ ।

हिमनदी किन भत्कियो भन्ने स्पष्ट भइसकेको छैन । नेपाली अधिकारीहरूले सुरुमा उक्त क्षेत्रमा गएको भूकम्पलाई सम्भावित कारणका रूपमा औँल्याएका थिए । तर अमेरिकी भूगर्भ सर्वेक्षण (यूएसजीएस) ले पछि रिपोर्ट गरिएको कम्पन वास्तवमा हिमनदीमा रहेको चट्टान र बरफ भत्किँदा उत्पन्न भूकम्पीय ऊर्जा भएको र त्यसपछि लेदोसहित बाढी आएको जनाएको थियो ।