आधा दर्जन लघुवित्तलाई राष्ट्र बैंकले गर्‍यो शीघ्र सुधारात्मक कारबाही

१५ असार, काठमाडौं । नेपाल राष्ट्र बैंकले आधा दर्जन लघुवित्त वित्तीय संस्थालाई शीघ्र सुधारात्मक कारबाही गरेको छ । केन्द्रीय बैंकले न्यूनतम पूँजीकोष अनुपात कायम नगरेका लघुवित्त वित्तीय संस्थालाई शीघ्र सुधारात्मक कारबाही गरेको हो ।

केन्द्रीय बैंकको कारबाहीमा पर्नेमा आरम्भ चौतारी, गणपति, समुदायिक, नेरुडे र सीवाईसी लघुवित्त वित्तीय संस्था छन् । बैंकका अनुसार आरम्भ चौतारीले २०८२ असार मसान्तमा न्यूनतम पूँजी कोष अनुपात ७.७७ प्रतिशत मात्र कायम गरेको छ । उक्त अनुपात नियामकीय मापदण्ड बमोजिम नरहेकोले बैंक तथा वित्तीय संस्थाको शीघ्र सुधारात्मक कारबाही सम्बन्धी विनियमावली, २०७४ अनुसार कारबाही भएको बैंकले जनाएको छ । लघुवित्त वित्तीय संस्थाले ८ प्रतिशत पूँजीकोष कायम गर्नुपर्ने व्यवस्था छ ।