बाढीका कारण सेवा प्रभावित ग्राहकलाई सुविसुको सेवा अवधि थप

हालैको बाढीका कारण इन्टरनेट सेवा प्रभावित भएका ग्राहकहरूलाई सहजीकरण गर्ने उद्देश्यले सुविसुले प्रभावित अवधिमा कनेक्सनको म्याद समाप्त भएका ग्राहकहरूलाई थप ७ दिनको सेवा अवधि उपलब्ध गराएको छ।

भाद्र १० गते आएको भीषण बाढीपछि, विशेषगरी भोटेकोशी तथा त्रिशूली नदी आसपासका क्षेत्रमा भएको क्षतिका कारण बट्टार, चरौंदी, चौघडा, देवीघाट, धादिङ, हुङ्दीखोला, खाल्टे, खानीखोला , गल्छी, धार्के र मलेखुलगायत क्षेत्रमा सुविसुका इन्टरनेट सेवाहरू प्रभावित भएका छन्।