"रक्सी खाएर कर्मचारीले गरे एक्सरे, निकाल्नुपर्ने कुइनाको, निकालिदिए खुट्टाको, कर्णाली प्रदेश अस्पतालको चरम लापरवाही"

सुर्खेतस्थित प्रदेश अस्पतालमा उपचारका लागि पुगेकी एक युवतीको एक्स–रे गर्ने क्रममा मदिरा सेवन गरेका कर्मचारीबाट लापरबाही भएको आरोप लागेको छ। घटनापछि अस्पताल प्रशासनले छानबिन सुरु गर्दै सम्बन्धित कर्मचारीसँग स्पष्टीकरण मागेको जनाएको छ।

वीरेन्द्रनगर–१ निवासी मनिराम अधिकारीकी १८ वर्षीया छोरी हीरा अधिकारी आइतबार साँझ आँपको रुखबाट लडेर गम्भीर घाइते भएपछि राति प्रदेश अस्पतालको आकस्मिक कक्षमा भर्ना भएकी थिइन्। उपचारका क्रममा चिकित्सकले एक्स–रे गर्न पठाएपछि एक्स–रे विभागमा पुगेका उनीहरूले कर्मचारीले एक घण्टाभन्दा बढी ढिलाइ गरेको र मदिरा सेवन गरेको अवस्थामा सेवा दिएको आरोप लगाएका छन्।