नेपालको अन्तर्राष्ट्रिय कर प्रणालीमा आयामिक सुधारः अग्रिम मूल्य निर्धारण सम्झौता

नेपाल सरकारले आगामी आर्थिक वर्ष २०८३/८४ को बजेट वक्तव्य/घोषणा मार्फत आयकर ऐन, २०५८ को दफा ३३ मा संशोधन गरी नेपालको अन्तर्राष्ट्रिय कर संरचनालाई विश्वस्तरीय बनाउन बहुराष्ट्रिय करदातासँग वार्तामा आधारित अग्रिम मूल्य निर्धारण सम्झौता (एड्भान्स प्राइसिङ एग्रीमेन्ट) लागू गर्न सक्ने गरी कानुनी व्यवस्था थप गरेको छ ।

यस कानूनी व्यवस्थाले नेपालको कर प्रणालीलाई आधुनिक, अनुमानयोग्य तथा प्रतिस्पर्धी बनाई नेपालको कराधार संरक्षण गर्न र नेपाललाई एक आकर्षक लगानी गन्तव्यको रूपमा स्थापित गर्न कर संरचनाको सुधार शृंखलाको महत्त्वपूर्ण कोशेढुंगा र अग्रगामी कदमको रूपमा लिन सकिन्छ ।