नाइकेहरूले ज्यादती गरेको भन्दै कपिलवस्तु कारागारका कैदीबन्दी आन्दोलित

कपिलवस्तु कारागारको बी ब्लकमा नाइके समूहले आफूमाथि ज्यादती गरेको भन्दै कैदीबन्दीहरू आन्दोलित भएका छन् । कैदीहरूले कारागार नै कब्जामा लिएका छन् । कारागार प्रशासन र नाइके समूहले मनोमानी गरी आफूमाथि अन्याय गरेको भन्दै उनीहरूले बी ब्लकको मूल गेटमै ताला लगाएर कब्जामा लिएका हुन् ।

२ नम्बर ब्लकका मूल नाइके केयरसिंह खत्री, सहनाइके विजय खत्री र अर्जुन थारुलाई भित्रै थुनेर राखेका छन् । बी ब्लकका कैदीबन्दीका अनुसार दिउँसो करिब २ बजेदेखि उनीहरूलाई थुनेर राखिएको छ ।