विपत्तिमा राजनीति बन्द गर, जनताको भावनामा खेलबाड नगर : विष्णु रिमाल

नेकपा एमालेका नेता विष्णु रिमालले विपद्का बेला उद्धार, राहत तथा पुनर्स्थापनाको कामलाई प्रभावकारी रूपमा सञ्चालन गर्न सरकारलाई आग्रह गरेका छन्। उनले विपत्तिका समयमा जनताको भावनामा खेलबाड नगर्न अनुरोध समेत गरे।

रिमालले यस्ता विपत्तिमा उद्धार (रेस्क्यु), राहत (रिलिफ) र पुनर्स्थापना तथा पुनर्निर्माण (रिहाबिलिटेसन) का काम सँगसँगै अघि बढाउनुपर्ने बताए। उनले केन्द्रदेखि स्थानीय तहसम्म सरकार तथा सरकारी निकायलाई समन्वयात्मक ढंगले परिचालन गर्नुपर्ने र जनताका संगठनहरूलाई समेत सहयोगमा परिचालन गर्नुपर्ने भनाइ राखे।