सुर्तीजन्य पदार्थको सेवनकै कारण दैनिक ७३ जनाको मृत्यु

काठमाडौं । सुर्तीजन्य पदार्थ वा धुम्रपानकै कारण नेपालमा दैनिक ७३ जनाले ज्यान गुमाउने गरेका छन् । नेपाल विकास अनुसन्धान प्रतिष्ठानले सार्वजनिक गरेको अनुसन्धान प्रतिवेदनअनुसार नेपालमा हुने प्रत्येक १० मृत्युमध्ये झन्डै दुईजनाको मृत्यु सूर्तीजन्य पदार्थको सेवनका कारण हुने उल्लेख छ ।

नेपालमा सुर्तीजन्य पदार्थ सेवन गर्नेको संख्या निरन्तर बढिरहेको उक्त प्रतिवेदनले देखिएको छ । सन् २०१९ मा नेपाल स्वास्थ्य अनुसन्धान परिषद् लगायतका निकायले गरेको स्टेप्स सर्वेक्षणअनुसार १५ देखि ६९ वर्ष उमेर समूहका करिब २८.९ प्रतिशत मानिसले सुर्तीजन्य पदार्थ सेवन गर्ने गरेका थिए । तर, हाल यो दर बढेर ३२ प्रतिशतभन्दा माथि पुगेको अनुसन्धानहरूले देखाएको छ ।