गायक सुशान्त केसीले बाढीपीडितलाई दिए १० लाख

काठमाडौँ- गायक सुशान्त केसीले भोटेकोशी बाढी प्रभावितका लागि घोषणा गरेको १० लाख रुपैयाँ प्रधानमन्त्री दैवीप्रकोप उद्धार कोषमा प्रदान गरेका छन्।

हाल अस्ट्रेलिया र न्यूजिल्यान्डमा ‘पाहुना टूर’ गरिरहेका केसीको कन्सर्ट पनि भोटेकोशीमा आएको विनाशकारी बाढीका कारण प्रभावित भएको थियो। त्यसपछि उनले आफ्नो टूरलाई मनोरञ्जनमा मात्र सीमित नराखी दुःखमा परेका नेपालीको साथमा उभिने अवसरका रूपमा लिने बताएका थिए।