रसुवा र नुवाकोटबाट दुई दिनमा ९३७ जनाको सकुसल उद्धार

काठमाडौँ । रसुवास्थित भोटेकोशीमा आएको बाढीका कारण प्रभावित बस्तीहरूमा सुरक्षाकर्मीले खोज तथा उद्धार गरिरहेका छन् ।

तीनवटा सुरक्षा निकायले दुई दिनमा रसुवा र नुवाकोटबाट ९३७ जनालाई उद्धार गरेका छन् । उद्धारमा सेना, प्रहरी र सशस्त्रले आफ्नो जनशक्ति परिचालन गरेको छ । बाढी प्रभावित क्षेत्रमा अलपत्र परेका ९३७ जनालाई दुई दिनमा उद्धार गरिएको बागमती प्रदेश प्रहरी कार्यालयका एसएसपी राजेन्द्र धमलाले रातोपाटीलाई बताए ।