‘सरकार, हाम्रा मान्छे खोजिदिनुस्!’

रसुवाको भोटेकोसीमा विनाशकारी बाढी आएको चार दिन बितिसक्यो, सम्पर्क भएको छैन तर पनि धेरै परिवारको प्रतीक्षा सकिएको छैन। सरकारी संयन्त्रले खोज तथा उद्धार जारी रहेको बताइरहे पनि सम्पर्कविहीन आफन्तका परिवार भने सामाजिक सञ्जाल, सञ्चारमाध्यम र स्थानीय प्रशासनमार्फत एउटै आग्रह गरिरहेका छन्, ‘सरकार, हाम्रा मान्छेको अवस्था पत्ता लगाइदिनुस्!’

विभिन्न जिल्लाका पीडित परिवारले सामाजिक सञ्जालमा आफन्तका तस्बिर, नाम र परिचय सार्वजनिक गर्दै उद्धारमा सहयोग गरिदिन आग्रह गरिरहेको सूचनाले फेसबुक भरिएको छ।