रोमानियामा रेलको ठक्करबाट दुई नेपालीको मृत्यु, कारणबारे प्रहरी अनुसन्धान जारी

काठमाडौँ । पूर्वी रोमानियाको बाकाउ सहरमा रेलको ठक्करबाट दुई नेपाली नागरिकको ज्यान गएको छ। स्थानीय समयअनुसार आइतबार बिहान करिब ३:२१ बजे चिमी सडक खण्ड नजिक गुडिरहेको रेलले ठक्कर दिँदा उनीहरूको घटनास्थलमै मृत्यु भएको हो।

दुर्घटनाको लगत्तै बाकाउ आपत्कालीन सेवा निर्देशनालयको टोली उद्धारका लागि परिचालन भएको थियो। दमकल, एम्बुलेन्स तथा सघन उपचार मोबाइल युनिटसहितको टोली घटनास्थल पुगे पनि दुवै जनालाई बचाउन सकिएन।