सन्दीप लामिछानेको किफायती बलिङमा सस्तैमा समेटियो बहराइन

काठमाडौं : एसीसी प्रिमियर कपको पहिलो खेलमा नेपालसामु बहराइनले ८८ रनको सामान्य लक्ष्य प्रस्तुत गरेको छ। मलेसियाको बाङ्गीस्थित युकेएम वाइएसडी ओभलमा टस हारेर ब्याटिङको निम्तो पाएको बहराइन ३६.२ ओभरमा ८७ रन बनाउँदै अलआउट भएको हो।

बहराइनलाई सस्तैमा समेट्न नेपालका कप्तान सन्दीप लामिछानेले अत्यन्तै किफायती बलिङ गरे। उनले १० ओभर बलिङ गर्दै ४ ओभर मेडनसहित १४ रन खर्चेर ५ विकेट लिएका हुन्।