रास्वपा प्युठानको सभापतिमा पोख्रेल चयन

प्युठान । राष्ट्रिय स्वतन्त्र पार्टी (रास्वपा) को प्युठान जिल्ला सभापति पदमा विकास पोख्रेल निर्वाचित भएका छन् । पार्टीको प्रथम जिल्ला अधिवेशनले उहाँलाई जिल्ला सभापति निर्वाचित गरेको हो ।

पार्टीका संस्थापक सभापतिसमेत रहेका पोख्रेल स्थापनाकालदेखि नै सङ्गठन निर्माणमा सक्रिय रहँदै आएका थिए । निर्वाचन समितिका अनुसार कूल ३२४ मतदातामध्ये २०४ जनाले मतदान गरेका थिए । खसेको मतमध्ये २०३ मत सदर र एक मत बदर भएको थियो ।