वैचारिक मतभेदले प्रलोपाको आन्तरिक विवाद उत्कर्षमा, अलग्गिने तयारीमा बाबुराम समूह

काठमाडौं– प्रगतिशील लोकतान्त्रिक पार्टी(प्रलोपा)को आन्तरिक विवाद उत्कर्षमा पुगेको छ । चुनावमा अनपेक्षित परिणाम हात पारेपछि असन्तुष्टि चुलिएको प्रलोपामा पार्टीका संरक्षक बाबुराम भट्टराईलाई बिदाई गरिएपछि थप विवाद बढेको हो ।

यस अघि बैशाख १२ र १३ गते बसेको केन्द्रीय समितिको बैठकले भट्टराईको ‘वैज्ञानिक मानववाद’लाई अस्वीकार गर्दै पार्टी वामपन्थी धारमा उभिने निर्णय गरेपछि बाबुराम भट्टराई समूह असन्तुष्ट रहेको रहेको थियो । त्यसपछि फेरि अध्यक्ष परिषद्को बैठकले पार्टीका संरक्षक रहेका भट्टराईलाई सक्रिय राजनीतिबाट बिदा दिने निर्णय गर्दै सन्तोष परियालाई पार्टी सञ्चालनको कार्यकारी भूमिका दिएको थियो ।