रसुवा-नुवाकोटमा २६ अस्थायी आश्रयस्थल सञ्चालन

काठमाडौँ- रसुवाको भोटेकोशी नदीमा आएको विनाशकारी बाढीबाट विस्थापित नागरिकका लागि रसुवा र नुवाकोटमा संघीय तथा स्थानीय सरकारको सहकार्यमा २६ वटा अस्थायी आश्रयस्थल तथा राहत वितरण केन्द्र सञ्चालनमा ल्याइएको छ। आइतबार मात्रै ती केन्द्रबाट ३ हजार ४ सय ५४ जना प्रभावितले आश्रय र राहत सुविधा प्राप्त गरेका छन्।

सबैभन्दा धेरै प्रभावित रहेको नुवाकोटमा १६ वटा आश्रयस्थलमा २ हजार २ सय ७४ जनालाई सुरक्षित स्थानमा राखिएको छ। विदुर नगरपालिकाको तुप्चे क्षेत्रका प्रभावितलाई पुस्तकालय शिविरमा, त्रिशूली ढुंगे र सिमचौर क्षेत्रका नागरिकलाई सेफहाउस तथा किरियापुत्री भवनमा र बेत्रावतीका प्रभावितलाई स्वास्थ्य चौकीमा स्थानान्तरण गरिएको छ।