संसद्मा एकैदिन ९ विधेयक दर्ता, राहदानीदेखि बालश्रमसम्मका कानुन संशोधनको तयारी

काठमाडौं । सङ्घीय संसद्मा एकैदिन ९ वटा नयाँ विधेयक दर्ता भएका छन्। प्रतिनिधिसभामा ७ वटा र राष्ट्रियसभामा २ वटा विधेयक दर्ता भएको संसद् सचिवालयको विवरणमा उल्लेख छ।

संसद् सचिवालयका अनुसार प्रतिनिधिसभामा दर्ता भएका विधेयकहरूमा संवैधानिक निकायका पदाधिकारीहरूको पारिश्रमिक, सेवा शर्त र सुविधासम्बन्धी (पहिलो संशोधन) विधेयक, २०८३, खानी तथा खनिज पदार्थ विधेयक, २०८३, मानव बेचबिखन तथा ओसारपसार (नियन्त्रण) (पहिलो संशोधन) विधेयक, २०८३, राहदानी (पहिलो संशोधन) विधेयक, २०८३ दर्ता भएका हुन्।