१४ थान अवैध इलेक्ट्रिक स्कुटर प्रहरी नियन्त्रणमा

पर्सा प्रहरीले मंगलबार वीरगन्जका विभिन्न स्थानबाट १४ थान इलेक्ट्रिक स्कुटर नियन्त्रणमा लिएको छ।

भन्सार तिरेको कागजात नभएको र यातायात कार्यालयमा दर्ता पनि नभएको अवैध इलेक्ट्रिक स्कुटरलाई नियन्त्रणमा लिएको पर्साका प्रहरी प्रवक्ता प्रहरी नायब उपरीक्षक चक्रबहादुर मल्लले बताएका छन्। नियन्त्रणमा लिएका स्कुटर भारतबाट खरिद गरी वीरगन्जमा अवैध रूपमा ल्याएर चलाउने गरिएको उनले बताए।