एन्फाको निलम्बन फुकुवाका लागि मध्यस्तकर्ता बन्न फुटबलर्स मिसन टुगेदर तयार

काठमाडौं । फुटबलर्स मिसन टुगेदरले अखिल नेपाल फुटबल संघ (एन्फा)लाई विश्व फुटबलको सर्वोच्च निकाय फिफाले गरेको निलम्बन फुकुवाका लागि मध्यस्तकर्ताको भूमिका निर्वाह गर्न तयार रहेको बताएको छ ।

पूर्वखेलाडी, प्रशिक्षक, रेफ्री र अन्य फुटबल अधिकारीहरूको संस्था मिसन टुगेदरले नेपाली फुटबल निकासका लागि मध्यस्तकर्ताको भूमिका निर्वाह गर्न तयार रहेको बताउँदै फिफा अध्यक्ष जियानी इन्फान्टिनोलाई पत्र लेखेको हो ।