एआई नअपनाए विकासशील देश थप पछि पर्ने विश्व बैंकको चेतावनी

विश्व बैंकले विकासशील देशलाई कृत्रिम बुद्धिमत्ता (एआई) प्रविधिको प्रयोग विस्तार गर्न आग्रह गर्दै यसलाई बेवास्ता गरे ती देश थप पछि पर्न सक्ने चेतावनी दिएको छ।

विश्व विकास प्रतिवेदन सार्वजनिक गर्दै प्रमुख अर्थशास्त्री इन्दरमित गिलले एआईले विकासशील अर्थतन्त्रका लागि महत्वपूर्ण अवसर प्रदान गर्ने बताए। उनका अनुसार स्वास्थ्य, शिक्षा, न्याय र कृषिजस्ता क्षेत्रमा स्थानीय आवश्यकताअनुसार कम लागतका एआई उपकरण प्रयोग गर्न सकिन्छ।