लगान र गजनीका चर्चित अभिनेता प्रदीपको निधन

बलिउडबाट एक दुःखद खबर बाहिर आएको छ। आमिर खान अभिनित सुपरहिट चलचित्रहरू ‘लगान’ र ‘गजनी’ मा खलनायकको दमदार भूमिका निभाएर ख्याति कमाएका वरिष्ठ अभिनेता प्रदीप रावतको ७४ वर्षको उमेरमा मंगलबार निधन भएको छ।

गत केही वर्षदेखि रक्त क्यान्सरसँग जुद्धिरहेका रावतको स्वास्थ्यमा समस्या दोहोरिएपछि अस्पतालमा उपचारका क्रममा निधन भएको उनका प्रबन्धक सिद्धार्थ तिवारीले पुष्टि गरेका छन्। उनी विगत दुई महिनादेखि अस्पतालमा भर्ना थिए। उनको निधनसँगै भारतीय चलचित्र उद्योगले एक कुशल कलाकार गुमाएको छ।