बाढीपीडितलाई देवचुली नगरपालिकाको ८ लाख सहयोग घोषणा

नवलपुर । नवलपुरको देवचुली नगरपालिकाले रसुवा जिल्लाको भोटेकोशी नदीमा आएको भीषण बाढी र पहिरोबाट प्रभावित भएकाहरूका लागि ८ लाख रुपैयाँ आर्थिक सहयोग गर्ने घोषणा गरेको छ ।

नगरपालिकाको ११ गते बसेको कार्यपालिका बैठकले बाढी पहिरो पीडितको उद्धार र राहतका लागि उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो । नगरपालिकाका अनुसार सहयोग रकममध्ये नगरपालिकाको तर्फबाट ४ लाख रुपैयाँ र नगरपालिकाका जनप्रतिनिधि तथा कर्मचारीहरूको तर्फबाट ४ लाख रुपैयाँ गरी जम्मा ८ लाख रुपैयाँ प्रदान गरिनेछ ।