विपद्‌मा प्रमुख दल एक ठाउँमा, राहतमा एकद्वार प्रणालीको साझा अपिल

काठमाडौँ- रसुवाको भोटेकोशी नदीमा आएको भीषण बाढीपछि प्रमुख राजनीतिक दलहरूले विपद् व्यवस्थापनमा साझा प्रतिबद्धता जनाउँदै राहत वितरणमा एकद्वार प्रणाली अपनाउन, राजनीतिकरण नगर्न र सीमापार पूर्वसूचना प्रणाली सुदृढ बनाउन सरकारसँग आग्रह गरेका छन्।

राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा बिहीबार सिंहदरबारमा बसेको सर्वदलीय बैठकपछि जारी १० बुँदे संयुक्त अपिलमा रसुवा, नुवाकोट, धादिङ, गोरखा, चितवन, नवलपरासीलगायत जिल्लामा भएको जनधनको क्षतिप्रति गहिरो दुःख व्यक्त गर्दै उद्धार, राहत, उपचार र पुनर्निर्माणका काममा दलगत मतभेदभन्दा माथि उठेर सहकार्य गर्ने प्रतिबद्धता जनाइएको छ।