सांसद पदम परियारको जिज्ञासा : सुरुङ मार्गको ऋण कसरी तिरिन्छ ?

काठमाडौँ । सांसद पदम परियारले नागढुङ्गा सुरुङ मार्गको लागत र ऋण भुक्तानी योजनाबारे सरकारसँग स्पष्ट जवाफ मागेका छन् । सार्वजनिक नीति तथा प्रत्यायोजित विधायन समितिको बैठकमा बोल्दै सांसद परियारले आयोजनाको सुरुको लागत अनुमान र अहिलेको वास्तविक खर्चको विवरण सार्वजनिक गर्न माग गरेका हुन् ।

‘यो सफ्ट लोनमा बनाइएको प्रोजेक्ट हो । पोखरा र लुम्बिनी विमानस्थल जस्तै यो पनि ऋणको भारमा पर्ने त होइन ?’ परियारले प्रश्न गरे । उनले वार्षिक ३५ करोड आम्दानी हुने अनुमान गरिएकोमा २२ करोड सञ्चालनमै खर्च हुने भएपछि बाँकी १३ करोड बचतले अर्बौँको ऋण कति वर्षमा तिरिसकिन्छ भन्दै प्रश्न गरे ।