'नुनमा आयोडिन' कि 'आयोडिनमा नुन'?

कैलाली जिल्लामा काम गर्ने दौरानमा एकजना स्वास्थ्यकर्मीसँग संवाद भयो। नसर्ने रोग सम्बन्धी छलफल हुँदै गर्दा उहाँले भन्नुभयो, 'सर, यहाँ केही घरपरिवारले अझै पनि ढिक्का नुन प्रयोग गर्छन्। आयोडिनयुक्त प्याकेट नुन खान चाहँदैनन्'। मैले अचम्म मान्दै प्रतिप्रश्न गरेँ, 'किन खाँदैनन् ? जमाना कहाँ पुगिसक्यो, अझै ढिक्का नुन?'

उहाँको भनाइ अनुसार, केही थाइराइडका विशेषज्ञ चिकित्सकहरूले नै आयोडिनयुक्त नुन कम खान सुझाव दिएका रहेछन्। कसैले दिन बिराएर, कसैले केही हप्ता प्याकेटको नुन खानु र केही हप्ता ढिक्का नुन प्रयोग गर्न सुझाव दिएको भने।