फेरि सम्झौतातर्फ अमेरिका-इरान : मस्यौदा अन्तिम चरणमा, तेलको मूल्यमा भारी गिरावट

अमेरिका र इरानबीचको सम्भावित सम्झौताका लागि मस्यौदाहरू तयार भएको अन्तर्राष्ट्रिय सञ्चार माध्यमहरूले जनाएका छन् । कतारी अधिकारीहरूका अनुसार यद्यपि, विश्वको अति संवेदनशील तेल ढुवानी मार्ग मानिने ‘स्ट्रेट अफ हर्मुज’ क्षेत्रमा भने तनाव कम भएको छैन ।

कतारको परराष्ट्र मन्त्रालयका प्रवक्ताले पत्रकारहरूसँग कुरा गर्दै अमेरिका र इरानबीचको सम्भावित सम्झौताको मस्यौदा परिचालनको चरणमा रहेको र यो अत्यन्तै प्रगतिशील चरणमा पुगेको बताएका छन् । यो छोटो अवधिको कूटनीतिक समाधानका लागि भएको स्पष्ट पार्दै मन्त्रालयले अहिले नै प्रत्यक्ष वार्ताबारे कुनै ठोस कुरा नभएको तर कतार, ओमान र पाकिस्तानले अमेरिका र इरानबीचको संवादलाई सहज बनाउन प्रयास गरिरहेको जनाएको छ।