शेख हसिनाको सम्बोधन रोक्न भारतको अस्वीकार

काठमाडौं । बंगलादेशकी पूर्वप्रधानमन्त्री शेख हसिनाले अगस्ट ५ मा (आज) नयाँ दिल्लीस्थित फरेन करेस्पोन्डेन्ट्स क्लब अफ साउथ एसियाको कार्यक्रममा अनलाइनमार्फत सम्बोधन गर्ने घोषणा गरेकी छन् । बंगलादेश सरकारले भारतसँग उनको सम्बोधन रोक्न आग्रह गरेको छ ।

भारत सरकारले भने हसिनाको अनलाइन सम्बोधनसँग आफ्नो कुनै सम्बन्ध नरहेको स्पष्ट पारेको छ । विदेश मन्त्रालयका प्रवक्ता रणधीर जयसवालले पत्रकार सम्मेलनमा भने, “यो कार्यक्रम एउटा निजी मिडिया संस्थाले आयोजना गरिरहेको हो । भारत सरकारको यससँग कुनै संलग्नता छैन । यस मञ्चमा व्यक्त गरिने कुनै पनि विचारलाई सरकारले समर्थन गर्दैन ।”