एआईले विकासोन्मुख देशलाई १० वर्षमै १०० वर्ष बराबरको विकास दिलाउन सक्छ: विश्व बैंक

काठमाडौं । आर्टिफिसियल इन्टेलिजेन्स (एआई) ले विकासोन्मुख देशहरूलाई केवल एक दशकभित्रै शताब्दीभरको विकास हासिल गर्न सक्षम बनाउन सक्ने विश्व बैंकले जनाएको छ । विश्व बैंकले मङ्गलबार सार्वजनिक गरेको प्रतिवेदन अनुसार विद्युत्, इन्टरनेट कनेक्टिभिटी र आवश्यक सीपसम्बन्धी कमीलाई छिट्टै सम्बोधन गर्न सकेमा यो उपलब्धि हासिल गर्नसक्ने उल्लेख गरेको हो ।

प्रतिवेदनअनुसार एआईका कारण व्यापक रोजगारी गुम्ने जोखिम उदीयमान अर्थतन्त्र भएका देशहरूमा अपेक्षाकृत कम छ । विश्व बैंकले धनी राष्ट्रहरूको तुलनामा विकासोन्मुख अर्थतन्त्र भएका देशहरूले एआईबाट बढी लाभ लिन सक्ने र डराउनुपर्ने कारण पनि कम रहेको निष्कर्ष निकालेको छ ।