आठ दिनपछि पूजा धानुकको शव दाहसंस्कार गरियो, पोस्टमार्टम रिपोर्टको पर्खाइमा प्रहरी

धनगढी । धनगढीकी २३ वर्षीया पूजा धानुकको रहस्यमय मृत्यु प्रकरणमा प्रहरीले अनुसन्धान जारी राखेको छ। घटनाको आठ दिनपछि परिवारले सोमबार पूजाको शव उठाएर दाहसंस्कार गरेका छन्। यद्यपि, घटनाको सत्यतथ्य खुलाउने मुख्य आधार मानिएको पोस्टमार्टम रिपोर्ट भने अझै आएको छैन।

प्रहरीका अनुसार पूजाको विवाह करिब छ महिनाअघि कञ्चनपुरको बेदकोट नगरपालिका–१, हातीथलाकीबाट धनगढी उपमहानगरपालिका–४, न्युरोड टोलका ३१ वर्षीय भरत धामीसँग भएको थियो। साउन ११ गते उनी आफ्नै घरमा सिलिङको पङ्खामा साडीको पासो लगाएको अवस्थामा फेला परेकी थिइन्। उपचारका लागि नवजीवन अस्पताल पुर्‍याइए पनि चिकित्सकले मृत घोषणा गरेका थिए।